З 1992 года Мінскае вучылішча мастацтваў і культуры перайменавана ў Мінскае дзяржаўнае вучылішча мастацтваў. Адкрыта новая спецыяльнасць: дэкаратыўна-прыкладное мастацтва (кераміка).

У 2001 годзе рашэннем Мінскага абласнога выканаўчага камітэта з мэтай паляпшэння падрыхтоўкі спецыялістаў для ўстаноў культуры і ўдасканалення сістэмы сярэдне-спецыяльнай адукацыі вучылішча мастацтваў рэарганізавана ў установу адукацыі "Мінскі дзяржаўны каледж мастацтваў".

У 2006 годзе была адкрыта прадметна-цыклавая камісія "Мастацтва эстрады (спевы)".

Перспектыўныя тэндэнцыі развіцця УА МДКМ:

• удасканаленне кадравай палітыкі на канкурэнтнай аснове;
• супрацоўніцтва з міжнароднымі клубамі ЮНЕСКА па ўдасканаленні вучнёўскага самакіравання;
• стварэнне на базе каледжа Цэнтра сацыякультурнай дзейнасці горада Мінска і Мінскай вобласці;
• удзел у рэалізацыі дзяржаўных, абласных і раённых праграм па праблемах развіцця культуры і мастацтва: «Адраджэнне і развіццё вёскі», «Дзеці Беларусі», «Моладзь Беларусі», «Таленавітая моладзь», «Сацыяльна-эканамічнае развіццё Мінскай вобласці», «Кадры»,«Дыскатэка»,«Традыцыйная культура і дзеці»,«Развіццё музейнай справы» і інш;
• устанаўленне міжнародных сувязяў з краінамі, якія праводзяць ідэнтычную палітыку ў галіне культуры і адукацыі, з мэтай павышэння прафесійных кампетэнцый педагагічных работнікаў і ўдасканалення практычных уменняў навучэнцаў каледжа;
• ажыццяўленне экспарту адукацыйных паслуг.

З фотаархіву каледжа:

Сустрэча з народным паэтам Беларусі НІЛАМ ГІЛЕВІЧАМ