Жадаем у новым, 2012 годзе, 
не забывацца на тое добрае, што прынёс нам мінулы, 2011 год,
і дбаць пра будучы, 2013 год, пры планаванні сваіх спраў,
а яшчэ памятаць, што цуды здзяйсняюцца ў тых, хто ў іх верыць!

Кахання і любові, здароўя і дабрабыту, цяпла і шчырасці,
пяшчоты і надзеі, моцы і веры вам і вашым сем'ям!
Будзьце шчаслівыя!

Сябры мае! Віншую вас
З найлепшым святам – Новым годам!
Хай новы дзень і новы час
Змяце ў мінулае нягоды!

Каб зоркі падалі ў руку,
А на стале было да хлеба.
І каб хапала ў кашальку
На ўсе надзённыя патрэбы.

Хай будзе ў сем’ях вашых мір,
І разуменне, і пяшчота,
Каб не нуды – кахання вір
Суправаджаў пачуццяў дотык!

Дай Бог здароў’я вам збанок
Ды й ‘шчэ куфэрак весялосці,
Каб не зваліла стома з ног,
Пакуль да вас даедуць госці!

Жадаю поспехаў, святла,
Дабра, спакою, мудрай згоды -
Каб радасць шчыраю была!
Жывіце ў шчасці! З Новым годам!

(Аўтарка прыгожых строчак - Таццяна Дзям'янава)