Летапіс БРСМ МДКМ

Першасная арганізацыя Мінскага дзяржаўнага каледжа мастацтваў Грамадскага аб'яднання "Беларускі рэспубліканскі саюз моладзі" была створана 24 красавіка 2004 г.

Мэта - стварэнне ўмоў для ўсебаковага развіцця моладзі, раскрыцця яе творчага патэнцыялу.

На чале з Сяньковіч Д. арганізацыя пачала рабіць свае першыя самастойныя крокі. Аб БРСМ МДКМ пачулі, у арганізацыю усё больш стала прыходзіць актыўная і творчая моладзь.

Час ішоў, пяршоўка МДКМ не стаяла на месцы.

У 2006 годзе арганізацыю ўзначаліла Баравік Л.

2009 год. У штурвала моладзевага лайнера пад назвай "БРСМ МДКМ" стала Мальцава Алена Васільеўна.

Дзякуючы каласальнай працы ўсіх кіраўнікоў сфармаваўся пэўны "касцяк" арганізацыі, як у плане мерапрыемстваў, так і ў плане яе актыву. З кожным годам ён умацоўваўся і напаўняўся новым сэнсавым зместам.

Моладзевая арганізацыя на тое і моладзевая, каб адпавядаць усім тэндэнцыям новага часу. БРСМ МДКМ стаў патрабаваць новых падыходаў, свежых і смелых рашэнняў. Новаўвядзенні для любой арганізацыі - гэта складаны працяглы працэс, які патрабуе шмат часу і сіл. Трэба быць гатовым да ўсякага роду цяжкасцяў. Аднак лідэр БРСМ МДКМ вырашылася і ў 2010 годзе зрабіла невялікі рэбрэндынг арганізацыі. Уся дзейнасць арганізацыі была сістэматызавана па сектарах: сектар моладзевых ініцыятываў, інфармацыйны, валанцёрскі сектары. Дадзеная структура ў значнай ступені дазваляе эфектыўна каардынаваць дзейнасць у арганізацыі.

Першасная арганізацыя БРСМ Мінскага дзяржаўнага каледжа мастацтваў - гэта не ізаляванае падраздзяленне каледжа, а актыўная яго частка, якая прадстаўлена ў асобе сакратара на Савеце па прафілактыцы правапарушэнняў, удзел у рабоце Савета каледжа, на нарадах куратараў. Першасная арганізацыя працуе ў цеснай сувязі з нам. дырэктара па выхаваўчай працы, прафсаюзнай арганізацыяй і куратарамі, прымае непасрэдны ўдзел у агульнакалежскіх мерапрыемствах.

БРСМ Мінскага дзяржаўнага каледжа мастацтваў не збіраецца спыняцца на дасягнутым, бо ў моладзі поўна сіл, жаданняў і самых неверагодных ідэй. Будзем далей пісаць летапіс нашай "пяршоўкі", захоўваючы традыцыі арганізацыі.

Накірункі працы.

Першасная арганізацыя Мінскага дзяржаўнага каледжа мастацтваў працуе па некалькіх напрамках, і адным з найважнейшых на сённяшні дзень з'яўляецца валанцёрства. Валанцёрскі рух - гэта добрая воля, гуманізм і безкаштоўная дапамога тым, хто ў ёй мае патрэбу.

Праграма развіцця валанцёрскага руху ў Мінскім дзяржаўным каледжы мастацтваў.

Праграма развіцця валанцёрскага руху накіравана на асобаснае развіццё і паспяховую сацыялізацыю навучэнцаў, далучэнне іх да гуманістычных традыцый міласэрнасці беларускага народа.

1. Мэтай праграмы з'яўляецца фармаванне маральна-этычных традыцый міласэрнасці ў каледжы; садзейнічанне ў духоўным развіцці навучэнцаў.

2. Задачы праграмы:

• Арганізацыя валанцёрскіх груп на аддзяленнях каледжа і іх практычнай дзейнасці;
• Садзейнічанне другаснай занятасці навучэнцаў;
• Арганізацыя вольнага часу, пашырэнне сферы зносін навучэнцаў.

3. Прынцыпы, па якіх мы працуем:

• добраахвотнасць;
• гуманнасць;
• альтруізм;
• пошук;
• творчасць.

4. Напрамкі дзейнасці:

• Арганізацыя практычнай работы навучэнцаў-валанцёраў з сацыяльна-неабароненымі пластамі насельніцтва (сіроты, адзінокія пажылыя людзі, людзі з абмежаванымі магчымасцямі);
• Праца з дзецьмі з дзіцячых дамоў;
• Развіццё праектаў, накіраваных на прапаганду ідэй здаровага ладу жыцця сярод моладзі, прафілактыку курэння, алкагалізму, ужывання наркотыкаў;
• Супрацоўніцтва з дабрачыннымі фондамі і арганізацыямі.

5. Змест працы:

• Арганізацыя віншаванняў ветэранаў ВАВ;
• Арганізацыя дабрачынных мерапрыемстваў у каледжы;
• Арганізацыя канцэртаў і навагодніх святаў у дзіцячых дамах;
• Супрацоўніцтва з рознымі дабрачыннымі фондамі і арганізацыямі, моладзевымі аб'яднаннямі.

Значныя праекты і мерапрыемствы валанцёрскага руху

1.Дабрачынная акцыя "Падары дзіцяці шакаладку", у выніку якой былі сабраныя салодкія падарункі для дзяцей з Дзіцячага дома № 7. У акцыі ўдзельнічалі і навучэнцы, і выкладчыкі;

2. Дабрачынная акцыя "Ад сэрца да сэрца". У рамках акцыі выхаванцам дзіцячага дома былі перададзеныя канцылярскія прыналежнасці. Нашымі навучэнцамі была падрыхтавана выдатная канцэртная праграма па матывах казкі "Бураціна".

3. Акцыя, прымеркаваная і накіраваная на падтрымку маці, якія выхоўваюць дзяцей з абмежаванымі магчымасцямі.

4. Навагодняя акцыя "Цуды пад Новы год". Валанцёры павіншавалі дзяцей з абмежаванымі магчымасцямі.

5. Акцыя для ветэранаў Вялікай Айчыннай вайны, якія знаходзяцца на лячэнні ў Лякарні хуткай дапамогі напярэдадні Дня Перамогі.

6. Акцыя "Памяняй цыгарэту на цукерку", у акцыі прынялі ўдзел больш за 100 чалавек.